Тиббий ниқоб тақмаганларни жарималаш айни дамда жуда тўғри қарор, лекин ниқоблар очиқ савдода йўқ ёки топиш ўта қийин. Бугун соат 10дан 11га қадар ниқоб қидирдим, барча дорихоналарда кириш жойига катта қилиб "ниқоб йўқ", дея ёзиб қўйилган. Бугунги қарордан кейин ўзи эркин сотувда йўқ ниқоб қанақа нархга чиқади, қандай спекуляция бошланади, тасаввур қилаверинг. Қозоғистон тажрибасидан келиб чиқиб, кўчаларда бепул ниқоб тарқатилса ҳам майли эди. Вазир Шодмонов ниқоб захиралари етарлича жамланган, дея баёнот берганди. Балки энди бу сўзларни ёлғон эмаслигини кўрсатиш вақти келгандир? Ўзингизни асранг! @the_bakiroo