TBC Bank фойдага чиққан Ўзбекистондаги фаолиятининг учинчи молия йилига келганда TBC Bank фойдага чиқишга эришган. Банкнинг биринчи чорак якунлари бўйича очиқ маълумотларига кўра, 1 апрель ҳолатига 3,9 млрд.сўмлик соф фойда қайд этилган. Банкнинг кредит қўйилмалари 1,9 трлн.сўмгача, муддатли депозитлари 1,5 трлн.сўмгача кўпайган. Акциядорлик капитали 1,0 трлн.сўмдан ошган. TBC Bank Ўзбекистон бозорига кириб келган ва илк фаолиятини бошлаган йиллари фойда эмас, кенг фронт бўйлаб бозорга кириш, онгли равишда зарарларни жамғаришда, акциядорлар эса банк бизнесига фаол пул тикишда давом этгани кўпчилик учун ғалати туюлган. Чунки ҳали ҳеч бир банк бунгача Ўзбекистонда асосий мақсад ўлароқ бозор капитализациясини ошириш ва бозорни (айниқса чакана бозорни) эгаллаш моделини қўлламаган эди. Банк стратегиясига кўра, фаолиятнинг учинчи йилида 2023 йил якунларигача 93 млрд.сўмдан ортиқ соф фойда жамғариш режа қилинган.