Ихтисослаштирилган мактабларга имтиҳон натижалари қачон эълон қилинади? Бугундан Ихтисослаштирилган мактабларда апелляция аризаларини кўриб чиқиш бошланиши белгиланганди. Балки бошлангандир, балки йўқ, буни билмайман. Апелляцияга ариза топширганларга агентликдан телефон қилиб аниқ вақти белгиланиши ҳам айтилган. Лекин телефон қилишгани ҳам йўқ. Сўраб билайин десанг, агентликнинг 1206 қисқа рақами жавоб бермаяпти. Унданам қизиғи, апелляция бошланган кунга келиб ҳам имтиҳон умумий натижалари, хусусан ўтиш баллари эълон қилингани йўқ. Бу агентлик учун оддий ҳолатми? Регламент ва қоидаларда шундай қилиш мумкинлиги ёзилганми? Натижаларни эълон қилмай, ушлаб ўтиришдан нима маъно? Ё ҳўл жойи борми? Ё натижалар очиқланса, таҳлил ва ўрганишлар орқали худди Президент мактабларига имтиҳонда бўлгани каби ноқулай саволлар чиқишидан қўрқишмоқдами? Гапиринглар. Жавоб беринглар. Пиарни қойиллатасизлар-ку. Вазифангизниям бажаринг.