Тошкентда бир сотих ер нархи ўртача 272 млн.сўмга етган Марказий банк 2023 йил 2- чораги якунлари бўйича кўчмас мулк бозори шарҳини тақдим этмоқда. Кўчмас мулк бозорида юз бераётган қатор эътиборли тенденцияларни кўриш мумкин. Қишдаги секинлашишдан кейин иккинчи чоракда кўчмас мулк олди-сотди битимлар яна юқори суръатда ўса бошлаган. Бутун Ўзбекистон бўйича кўчмас мулк нархларининг йиллик ўсиши апрелдан бошлаб яна тезлашган ва бирламчи бозорда 21,0%ни, иккиламчи бозорда 27,2%ни ташкил этган. Ипотеканинг фаол ўсаётгани, кўчмас мулкнинг инвестиция ва жамғариш омилига айланиб қолгани, қурилиш ишлари суръати пасайгани бозорнинг қизиб кетиши омилларидан бўлиб қолмоқда. Ижара ҳақининг қимматлашуви, суръати (18,8%) ўтган йили сентябрдаги шокларга қарамай, кўчмас мулк нархи ўсишидан ортда қолмоқда. Тошкентда кўчмас мулк нархининг йиллик ўсиш 22,7%ни ташкил этган. Пойтахтнинг чекка туманларида, хусусан, Бектемир (40,1%) Сергели (35,6%), Учтепа (32,9%) нархлар энг тез ўсмоқда. Марказда эса секинроқ. Энг қиммат уй-жой Яккасарой туманида (кв. 12,2 млн.сўм). Бир сотих ернинг нархи пойтахтда йил давомида 227 млн.сўмдан 272 млн.сўмгача қимматлаган. Тошкентда ўртача уй-жой нархи квадратига 11,3 млн.сўмдан ошган. Энг арзон уйлар ҳалиям Қорақалпоғистонда (кв. 3,8 млн.сўм)