Кредитлар нархи пандемия давридан бери, омонатлар нархи 2014 йилдан буён максимумларга етган Июль ойи якунларига кўра, кредитларниинг ўртача тортилган ставкаси 23,0%га етган. Бу пандемия давридан буён қайд этилган кредит нархининг энг юқори кўрсаткичидир (2022 йил май ойида ҳам кузатилган). Бунда корпоратив кредитларнинг ставкаси 22,5%, чакана кредитларнинг ставкаси 23,2%ни ташкил этган. Кредитлар нархининг ўсиши омонатлар ставкаларининг муттасил ўсиши фонида юз бермоқда. Июль якунларига кўра омонатларнинг ўртача ставкаси 21,2%га етган. Бу 2014 йилдан буён қайд этилган янги максимум. Корпоратив депозитлар нархи ирғишда давом этмоқда (лекин умумий тенденция ўсиш томон). Июль якунлари билан корпоратив депозитларнинг ўртача тортилган ставкаси 17,0%дан иборат бўлган. Омонатлар бўйича ҳам, корпоратив депозитлар бўйча ҳам айнан 1 йилдан юқори бўлган муддатдаги депозитлар нархи қимматламоқда (2024 йилда бозорда фоизлар пасайишига банклар ҳам, депозиторлар ҳам ишонмаяпти ва бунда тўпланиб бораётган валюта риски энг асосий омиллардан бири).