Ҳаммаси олигархлар учун: Саноат болалардан устун, олигархия эса саноатдан ҳам устун "Болалар саноатчилик муҳим эмасми?" деб савол қўймоқда Муҳримбой. Афсуски, шундай . Лекин тушуниш керакки, бу бузуқ иерархияда устунлик саноатда ҳам эмас, энергетикадан манфаатдорлик бўйича бутун устуворлик еб тўймас олигархияга берилган. Чунки ўнлаб саноат объектлари газдан узилган ҳолда, газ конларини эгаллаб олган олигархия ҳар ойда камида 300 миллион куб газ экспорт қилмоқда. Масалан, Хитойга ўтган ойда 63,5 млн.долларлик газ экспорт қилишган. Бу 300-320 млн.куб газ дегани. Кунига 10 млн.куб. (Охирги 4 ойда жами 342 млн.долларлик ёки 1,7 млрд.куб атрофида газ экспорт қилишган. Туркмандан кеча ялиниб ажратиб олаётган газимиз ҳам шу ҳажм чегарасида). Шу газ заправкаларгаям, узилган цемент заводларгаям, ғишт цехларигаям етарди. Иситиш мавсуми бошлангунча. Буларнинг Принципи шу: Газ экспорти фойдаси олигархия чўнтагига (Ўзбекнефтегаз эмас). Газ импортининг зарари эса бюджетга. Мақолада мактаблар учун энг ифлос кўмирни сотиб олиш харажатларининг 90 фоизи субсидияланиши ёзилган. Чуқурроқ эътибор беринг, шу субсидиялашдан ҳам бенефициарлар кўмирни эгаллаб олган олигархия. Яъни, субсидия бериб ғамхўрлик кўрсатиш мактаблар учун эмас. Пишишига яна миллион йил бор бўлган ифлос кўмир учун триллионлаб субсидия олигархиянинг чўнтагини тўлдиради, ўзбекнинг боласини эса захарлайди, касал қилади. Бу ҳали ҳаммаси эмас. 2023 йил охиригача яна минглаб мактаблар, минглаб боғчалар ва юзлаб касалхоналар кўмирга ўтказилади. Ўша ёнмайдиган, қуйқум ва сассиқ кўмирга. Мактаб, боғча ва шифохоналардан бўшаган газ миллий бойлигимизни туя қилиб сотиб тугатишни режа қилган очофат олигархия манфаатлари учун экспорт қилинади.