Диққат фейк! Айрим фирибгарлар ўзларини Марказий банк ходими сифатида таништириб, фуқароларнинг ишончига киришга уринаётгани айтилмоқда. Хусусан, Telegram ижтимоий тармоғида Марказий банк номидан очилган “Markaziy_Banki_uz” сохта каналида фуқароларга онлайн кредитлар таклиф этиб, уларнинг банк карталарига оид маълумотларини қўлга киритиш орқали банк картасидаги пул маблағларини ўзлаштириш ҳолатлари кузатилмоқда. Бу каби ҳолатларга Ўзбекистон Республикаси Марказий банкининг ҳеч қандай алоқаси йўқ. Ёдда тутинг: Марказий банк жисмоний шахсларга кредитлар ажратмайди ва молиявий хизматлар кўрсатиш билан шуғулланмайди. Фейк аккаунт ва саҳифаларга эътибор қаратманг ва банк карталари маълумотларини учинчи шахсларга берманг, ишончсиз ҳаволаларга кирманг. Ижтимоий тармоқлардан фойдаланиш жараёнида регуляторнинг тармоқлардаги верификацияланган саҳифаларидан фойдаланинг.