Мулк солиғи учун минимал қиймат 33%гача оширилади, имтиёзхўрлар эса имтиёзларни эмишда давом этишади Мол-мулк солиғи базаси учун ўрнатилган минимал қиймат Тошкент шаҳри учун 2,5 млн.сўмдан 3 млн сўмгача, Нукус шаҳри ва вилоят марказлари учун – 1,5 млн.сўмдан 2 млн.сўмгача, бошқа шаҳарлар ва қишлоқ жойлар учун – 1 млн.сўмдан 1,2 млн.сўмгача оширилади. Яъни феълан, солиқ ставкаси 1,5% даражасида сақланиб қолгани билан тўланадиган ҳисоб солиқ суммалари амалда 20-33%гача кўпаяди. Лекин бу солиқлар қора халқ ва валийнеъмати йўқ бизнес учун. Имтиёзхўрлар мол-мулк солиғидан қандай имтиёзлардан фойдаланиб келишган бўлса шундай режимда давом эттиришаверади. Яъни, Солиқ кодексининг 75- ва 483-моддаларига кўра индивидуал имтиёз эгалари ушбу солиқдан ҳисобланган сумманинг бир фоизи миқдорида тўлашда давом этишади. Бу дегани улар қолганлардан кўра мулк солиғини 100 баробарига камроқ тўлашади.