Тиббиётни фармацевтика тижоратидан қутқариш бошланадими? Мамлакатимизда фармацевтика бозори ҳажми 2 миллиард долларга етгани айтилаётган мажлисда дори воситаларидан фойдаланиш маданиятини юксалтириш ишлари сустлиги кўрсатилмоқда. “Айниқса, антибиотик қабул қилиш устидан назорат умуман йўқ. Протоколларга амал қилмасдан, “пул ишлаш” учун фарм-компаниялар фойдасига рецепт ёзиляпти. Бундан халқимизни соғлиғи ҳам, чўнтаги ҳам зарар кўраяпти”, демоқда Давлат раҳбари. Оилавий шифокорларга касаллиги енгил бўлган беморларни дори билан эмас, иммунитетни кўтарадиган табиий воситалар, жисмоний машқ ва фитотерапия билан даволашни ўргатиш муҳимлиги таъкидланмоқда. Яна иқтибослар: "Уч йил аввал онкологик беморларни кимё ва таргет терапияси учун 29 турдаги препарат билан таъминлаш йўлга қўйилган эди. Лекин, бу дорилар айрим ҳолларда жойларга ўз вақтида, тўлиқ етказиб берилмаётгани кўрсатиб ўтилди. Ваҳоланки, бюджетдан етарли маблағ ажратилмоқда. Оқибатда баъзи беморлар уларни дорихонадан 10 баробар қиммат сотиб олишга мажбур. Мана – фармацевтикадаги ўйинлар! Бу фақат онкологияда".