​Автомобиль импортида Хитойнинг улуши мутлақ даражага етган 2023 йилда жами 73 206та автомобиль импорт қилинган бўлса, шундан 79,3%и ёки 58 078таси Хитойдан келтирилган. Солиштириш учун, 2021 йилда Хитойнинг импортдаги улуши 32,8%, 2022 йилда 36,9% бўлган. Бошқа йирик автомобиль мамлакатлари бўлган Корея, АҚШ, Германия ва Япониядан импорт сонда ўсишда давом этаётган бўлса-да, улушда фақат қисқариб бормоқда. Эътиборлиси, автомобиль импорт қилинадиган мамлакатлар қаторига Ҳиндистон ҳам қўшилган. Қозоғистон ва Россия тушиб қолган (бошқалар қаторида). Қайд этиш керакки, агарда кутилаётган чекловлар жорий қилинса, автомобиль импорти ўсиши 2024 йилда секинлашиши, ҳатто қисқариш кузатилиши мумкин.