​Автомобиллар импорти чайқовчи монополистлар қўлига ўтдими? Февралда автомобиль ва электромобиллар импортининг йиллик ҳисобда қулаши анча секинлашган. Ҳатто тубнинг туби ҳисобланган январь ойига нисбатан 1,4 карра ўсиш қайд этилган. Бу картина импортдан хусусий, бегона ва мокки рақобатчилар чиқариб юборилганини ва барча каналлар энди бир аждарҳонинг учта боши бўлган чайқовчи монополистлар қўлига ўтганини англатиши мумкин. Яъни 2022 йилгача бўлган статус-квога қайтиш юз бермоқда: Chevrolet русумидаги автомобилларни битта чайқовчи, Kia/Hyundai русумидаги автомобилларни яна бир чайқовчи ва BYD электромобилларини эса учинчи чайқовчи импорт қилади. Улар яширин қарорлар билан импорт божидан озод этилган, утилизация йиғими тўламайди.