​Қурилиш сектори яширин иқтисодиёт тимсолига айланган Ўзбекистонда юзлаб хонадонлардан иборат кўп қаватли уйларни қураётган пудратчилардан тортиб ҳатто давлат буюртмаси бўича объектларни бунёд этаётган субъектларгача фаолияти мазмуни нақд айланмаларга, расмийлаштирилмаган ишчиларга бориб тақалади. Ниҳоят бу ҳақда юқори минбарлардан ҳам айтиш бошланмоқда. Бугун қурилиш сектори вакиллари билан ўтказилган семинарда келтирилган рақамлар соғлом ақлга сиғмайди. Соҳадаги 10 947та корхона биттагина ишчи ишлатади. Сиз ҳатто кичкина квартирада ремонт қилсангиз ҳам камида 2 та уста ёллайсиз. Шу гўёки 1та ишчиси бор қурилиш фирмалари дом қураяпти, кўприк қураяпти, йўл қураяпти. Тасаввур қилинг. Яна эътибор берганмисиз, гарчи қурилиш компаниялари битта бренд номида ишласа-да, ҳар бир дом ё лойиҳа учун алоҳида фирма очилади. Дом сотиб бўлингач, табиийки, фирма ёпиб юборилади. Ўрага сичқон тушди, гулдур гуп. Қурилиш бизнеси молиявий қийматига нисбатан амалда деярли солиқ тўланмайдиган соҳага айланган. Ер сотиб олиш нақдга (коррупцион омили бошқа муаммо). Қурилиш материаллари нақдга. Техника нақдга. Иш ҳақи нақдга. Ҳисобварақларга фақат нақдсиз пул ўтказиш мумкин бўлган миқдордагина пул туширилади. Суратда қурилиш компанияси кесилган дарахтлар учун жарима тўламоқда. Албатта нақд пул билан.