​Яширин иқтисодиёт тимсоли Кесилган дарахтлар учун тўланаётган жарима нақд пулда амалга оширилаётганига эътибор қаратилмоқда. Чуқурроқ қаралса, нақдликлар махсус упаковкаларда эканига эътибор берилса, бу нақдлик сал аввал, балки нариги дарчада айирбошланган нақд валюта эканини тушуниш қийин эмас. Муттаҳамбанкирлар кесилган дарахтлар учун тўланган жарима бир сотих ер учун ўртача 10,5 минг долларга тушганини хомчўт қилмоқда. Уй-жой сотувидан олинаётган миллиардлар олдида бу копейка. Дарвоқе, Янги Ўзбекистонда уй-жой қурилиши молиявий қийматига нисбатан энг кам, қатор имтиёзли лойиҳаларда эса амалда деярли солиқ тўланмайдиган соҳага айланган. Ер сотиб олиш нақдга. Қурилиш материаллари нақдга. Техника нақдга. Иш ҳақи нақдга. Ҳисобварақларга фақат нақдсиз пул ўтказиш мумкин бўлган миқдордагина пул туширилади . Эътибор берганмисиз, гарчи қурилиш компаниялари битта бренд номида ишласа-да, ҳар бир дом ё лойиҳа учун алоҳида фирма очилади. Дом сотиб бўлингач, табиийки, фирма ёпиб юборилади. Ўрага сичқон тушди, гулдур гуп. Тепадагилар буни билишмайдими? Жуда яхши билишади. Лекин "дом саноати" бу танага яқин одамлар бизнеси. Дом қурилишига коррупцион даромадларини тикаётганлар ҳам яқин, қураётганлар ҳам яқин. Шунинг учун, триллионлаб нақдлик айланаётган дом қурилишини текширгандан аҳмоқ бўлиб нақдсиз кўринишда фаолият кўрсатаётган, бор кўламини намоён этиб ишлаётган соҳаларни назорат қилиш осон ва арзон уларга. Ҳам хавфсиз. Дарвоқе, уй-жой ва автомобиль сотиб олиш билан боғлиқ йирик харидларни фақат нақдсиз китоблар ёки манбаи кўрсатилган чекланган нақдликлар асосида амалга оширишга оид талаблар 6 йилдан буён лойиҳа мақомида чанг босиб ётипти. Яна ётади. Ўзларига қарши ўзлари курашишмайдику. P.S. Ҳатто хот-дог ва гугурт сотишда фискаль чек мажбурий бўлган маконда уй-жой ва автомобиль реализациясида фискаль чек билан расмийлаштириш мажбурияти йўқ. Қойилмисиз?!