Бюджет дефицити хавфли эмас Мифономика лойиҳасининг навбатдаги сонида бюджет дефицити мавзуси атрофида шаклланган қатор ақида ва мифлар муҳокама қилинган. Бюджет дефицити назоратга олинмаса, нима бўлади? Дефицит ошиб кетаверса, Ўзбекистонга қарз бермай қўйишадими? Дефицит инфляцияни кучайтирадими? Дефицит кенгайиши валюта курсига қандай таъсир кўрсатади? Харажатлардан тийилиш ва бюджет мувозанати учун нима қилиш керак? Маълумот учун, Ўзбекистонда кетма-кет баён қилинаётган декларацияларга қарамай, охирги 4 йилда бюджет дефицитининг белгиланган лимитлари узлуксиз бузиб келинмоқда. Хусусан, 2023 йилда консолидациялашган бюджет дефицити чекланган миқдори 3,0% этиб белгиланган бўлсада, 5,5%ни ташкил этган. 2024 йилнинг январь ойида давлат бюджетининг харажатлари даромадларидан 5,8 трлн.сўмга ошиб кетган бўлса, харажат юкламаси катта бўлган февралнинг дастлабки 5 кунида эса йиғилган дефицит 8,2 трлн.сўмдан ошган. 2024 йил консолидациялашган бюджети 52,6 трлн.сўмлик дефицит билан қабул қилинган.