​Давлат бюджети дефицити февралда 7,2 трлн.сўмдан ошган, икки ойлик жамланган дефицит — 13,0 трлн.сўм Иқтисодиёт ва молия вазирлиги маълумотига кўра, февраль ойида Давлат бюджети даромадлари 16,9 трлн.сўмни, харажатлари эса 24,1 трлн.сўмни ташкил этган. Бюджет даромадлари ва харажатлари ўртасидаги фарқ 7,2 трлн.сўмдан ошган. Январь ойида Давлат бюджетининг харажатлари даромадларидан 5,8 трлн.сўмга ошиб кетган эди. Икки ойлик жамланган дефицит 13,0 трлн.сўмга етган. 2024 йил Давлат бюджети 10,3 трлн.сўмлик дефицит билан тасдиқланган. Консолидациялашган бюджет дефицити 52,6 трлн.сўм ёки ЯИМга нисбатан 4% даражасида чегараланган.