Кремлнинг Ўзбекистондаги пропаганда карнайи Вести.ўзга кўра, генерал Черняев 1865 йилда Тошкентни ишғол қилишда, маҳаллий аҳоли билан эмас, ёлланма жангарилар — пуштунлар билан жанг қилган экан. Ол-ааа, дерсиз.
Бу ҳаммаси эмас!
Ўзи Черняевга Тошкент керак бўлмаган ҳам эмиш, Чимкентда ўтин йиққани чиққан рус аскарларига айни шу афғон пуштунлари ҳужум қилган ва Черняев қасос олгани Тошкентга келган эмиш.
Раҳматли Тоғай Мурод айтганидек, буларга қўйса, Ленинни отам, Крупскаяни онам дедиртиради ва тарихни булғаб, Тошкент ўз ихтиёри билан Ўрис империясига қўшилган, деган қўшиқни қайта куйлай бошлайди.
Албатта, биз тарихий обидалар ва ҳайкалларга қарши курашадиган майда миллат эмасмиз. Лекин миллий тарихимизни босқинчилар бузиб, қайта ишлаб беришига ҳам кўнмаслигимиз лозим.
Дарвоқе, Вести.ўз ва умуман Кремль пропагандаси билан машғул барча гибрид конторалар нормал дунёда бўлгани сингари ёпилиши керак, қанча тез ёпилса, шунча яхши. Бу сўз эркинлигига қарши ҳаракат эмас, чунки булар ОАВ эмас, пропаганда аҳлатхоналари.
@the_bakiroo