Февралда газ импорти 3,7 баробарга ошган Қатор иқтисодиёт тармоқлари ва метан заправкалар газдан узилган феврал ойида 131,1 млн.долларлик газ импорт қилинган, бу январдаги газ импортидан (35,6 млн.доллар) 3,7 баробарга кўп. Ички етишмовчиликка қарамай, газ экспорти тўхтатилмаган, февралда қийматда 5,7 млн.долларлик газ четга сотилган (январда 21 млн.долларлик газ экспорт қилинган). 1,3 млрд.долларлик олтин экспорти ташқи савдо балансини бироз мувозанатлаган. Туркияга экспортнинг қисқариши, Францияга экспорт ошишда давом этса, улар яқин ойларда ўрин алмашишлари мумкин. Тенденция ўзгармаса, Франция йил охиригача Қозоғистонниям ортда қолдириб, Ўзбекистоннинг экспортдаги 3-ҳамкорига айланиши мумкин. Февралда автомобиллар импорти сезиларли қисқарган ва 319,8 млн.долларни ташкил этган (январда 398,5 млн.доллар). Хизматлар импорти автомобиллар импортидан ҳам тезроқ ўсаётгани эътиборни жалб қилиши керак. икки ойда 454.5 млн.доларлик хизмат импорт қилинган, унинг таркиби доимгидек номаълум.