Пул массаси фаол кенгайишни бошлаган Март ойи давомида кенг маънодаги пул массаси 7,0 трлн.сўмга ошиб, 213,2 трлн.сўмга етган. Миллий валютадаги пул массаси 4,3 трлн.сўмга кенгайган ва 162,4 трлн.сўни ташкил қилган. Қайд этиш керакки, бунда пул массасининг барча агрегатлари кўпайган, хусусан нақд пуллар 1,7 трлн.сўмга ошиб, 42,9 трлн.сўмгача етган. Лекин фаол ўсгани билан пул массасининг кенгайиши ЯИМ номинал ўсишидан (22,2%) ҳали ортда қолмоқда. Ойнинг охирига Вакиллик ҳисобварақларидаги қолдиқлар 2,9 трлн.сўмга ўсиб, 17,8 трлн.сўмни ташкил этган. Мажбурий резервлар қолдиғи ҳам секинлик билан бўлсада, тўртинчи ой кетма кет ўсмоқда (2 924 млрд.сўм, +51 млрд.сўм).