Улушдорлик асосида уй-жой сотиб олиш битимлари энди нотариал тасдиқланиши керак Аҳолининг пул маблағларини уй-жойлар қуришга жалб қилиш тартибини такомиллаштириш масадида улуш киритиш асосида уй-жойларни қуришда шартномаларни мажбурий равишда нотариал тасдиқлаш тартибини жорий этиш белгиланган. Охирги йилларда қурилаётган уйлардан "уй сотиб олган" улушдорларнинг алданиб қолиши, қурувчи ва девелоперларнинг фирибгарлиги жуда кўп муаммоларни яратаётган эди. Айрим ҳолларда алданган улушдорлар учун ҳукумат томонидан турли захира манбалар ҳисобидан қоплаб бериш ишлари ҳам рўй берди. Кўп квартирали уйларда улуш киритиш асосида қурилиш жараёнининг ҳуқуқий асосларини такомиллаштириш бўйича ҳали қилиниши керак бўлган ишлар анчагина.