Антимонополия монополистлар билан курашга қайтадими? "Рақобат сиёсати ва истеъмолчилар ҳуқуқларини ҳимоя қилиш йўналишида ишлар қониқарсиз". "Тил бириктиришлар ва картел келишувлар, ...қонун ҳужжатларининг рақобатга таъсири, монополияга қарши тартибга солиш, нархлар ва тарифларни назорат қилиш, истеъмолчиларнинг ҳуқуқларини ҳимоя қилиш йўналишларида ишлар самарали йўлга қўйилмаган". Бу менинг сўзларим ё бошқа бир танқидий материалдан иқтибос эмас. Рақобат қўмитаси янги раҳбариятининг ўзи антимонополия органининг бугунги ҳолатига баҳо бермоқда. Демак, Антимонополия фаол курашга қайтиши керак. Босар-тусарини билмай қолган монополистлар ва олигархатга қарши, истеъмолчилар ҳақлари учун, эркин ва рақобатли бозор учун.