Цементчилар демпингдан шикоят қилишмоқда Аҳоли, сув, тупроқ ва умуман экологияга тупуриб қўйиб, фойда орқасидан қуваётган цемент заводларини потиратиб ишга тушираётганлар таннархдан паст нархларда цемент сотилишидан шикоят қилишган. Андижон вилоятидаги "Shangfeng-bridge of friendship" МЧЖ томонидан ички бозорга таннархдан паст нархларда цемент реализация қилинаётганлиги ва бунинг оқибатида қолган корхоналар банкротлик ёқасига келиб қолаётганлиги юзасидан бошқа тадбиркорлик субъектлари томонидан Рақобат қўмитасига мурожаат йўлланган. Қўмита "Shangfeng-bridge of friendship" МЧЖга нисбатан белгиланган тартибда иш қўзғатган. Цемент заводлари бир-бирининг "гўштини ея бошлагани" бир тарафдан истеъмолчилар учун яхши янгилик, эртага, индинга уларнинг бирин-кетин рақобатга чидамай, банкрот бўла бошлаганини ҳами эшита бошлаймиз. Лекин цемент заводлари мисолида энг катта муаммо — уларнинг аҳоли саломатлиги, сувимиз, ҳавомиз ва тупроғимизга етказаётган зарари ҳисобланади. Айнан шу зараркунандалик учун, хусусан Булоқбошидаги "Shangfeng-bridge of friendship" МЧЖ назоратидаги цемент заводи булоқбошиликлар учун товон тўлаши керак.