Легионерлардан воз кечилмаган Кеча Парижда Ёзги олимпиада ўйинларига старт берилди. Энг нуфузли мусобақаларда Ўзбекистон номидан жами 86 спортчи (54 эркак, 32 аёл) 16 спорт турида қатнашмоқда Ўзбекистон олимпиячилари сафида шимоллик янги легионерлардан Илья Сибирцев, Игорь Мялин, Анна Пракатень ва Разамбек Жамалов кабилар, шунингдек аввалги йилларда ҳам жалб қилинган бир нечта спортчилар (Джавраил Шапиев, Арам Варданян, Алисе Фахрутдинова, Рустам Ассакалов, Ольга Забелинская) иштирок этаяпти экан. Уч йил аввал Давлат раҳбари хориждан спортчиларни (легионер) олиб келиш тажрибаси унчалик ҳам ўзини оқламаётганини очиқ айтиб, бундай амалиётдан воз кечиш пайти келганини таъкидлаган эди. Токио олимпиадасида Ўзбекистон номидан қатнашган биронта хорижлик спортчи совриндор бўла олмаган. Мамлакатимиз шарафини ҳимоя қилаётган Олимпиада иштирокчилари аввалги йиллардаги натижаларни камида такрорлашини, унданам яхшиси, янгилашини тилаб қоламиз.