Давлат раҳбари танқид қилганига қарамай, хорижий спортчиларнинг "натураллаштирилиши" давом этмоқда Тўрт йил аввалги катта йиғилишда Давлат раҳбари катта харажатлар эвазига хориждан спортчиларни (легионер) олиб келиш тажрибаси унчалик ҳам ўзини оқламаётганини танқид қилганди. Ўшанда бундай амалиётдан воз кечиб, маҳаллий спортчиларимизни тарбиялашга жиддий эътибор қаратадиган пайт келгани, хориждан легионерлар эмас, етук мутахассисларни ҳамда спортчиларни тайёрлаш методикасини олиб келиш кераклиги ҳақида топшириқлар берилганди. 2024 йилги Олимпиадада ҳам бир нечта хорижий спортчилар иштирок этишган (13 медалдан 12тасини ўзбекистонликлар қўлга киритишган). Афсуски, шунга қарамай хорижий спортчиларга ўзбек паспортини бериб "натураллаштириш" яна давом этмоқда. Кўп бора таъкидлаганимиздек, 40 миллионлик Ўзбекистон ўзининг шарафини мамлакатда туғилиб ўсган ва тарбияланган спортчилар билан ярата олади. Бунга мамлакатимизнинг иқтисодий салоҳиятиям, инсоний ресурслариям етарли.