Ўзбекистон шарафини ўзбекистонлик спортчилар ҳимоя қилишлари керак Бугун шонли олимпиячиларимиз билан бўлган учрашувда Давлат раҳбари Ўзбекистон шарафини мамлакатда туғилиб ўсган ва тарбияланган спортчилар билан яратишимиз лозимлигига ҳам тўхталиб ўтган. Президент катта харажатлар эвазига хориждан спортчиларни (легионер) олиб келиш тажрибаси унчалик ҳам ўзини оқламаётганини таъкидлаб ўтган. Албатта, Ўзбекистон қанақадир ташқаридан келтириладиган "варяг"лар ҳисобига қурилган давлат эмас. Улуғбек ва Берунийларни берган замин яна ва яна буюк инсонларни дунёга келтиришга қодир. Бу юрт фарзандларидан нафақат олимпиада чемпионлари, космонавтлар ҳам чиқади. Дунёга юз очаётган Ўзбекистон илм-фанда Нобель мукофоти эгаларини ҳам, керак бўлса, технологияда Илон Маскларни ҳам, Марсни ўзлаштирувчиларни ҳам шу юртда тарбиялай олади.