Сиздан угина, биздан бугина - бу ўғрилар тамойили. Футболдан ташқари тамойил Муаммо қайсидир Дардийўқ футболчига иккита мактабнинг пули тўланаётгани ёки паразит ўзбек футболи ва унинг бузуқ башараси бўлган жамоа учун бир неча ўн миллиард маблағ сарфланаетганида эмас. Муаммо бутун бошли иқтисодий контекстнинг, танланган тараққиёт моделининг бузуқлигида. Кеча битта хорижий ўғрига бир неча триллионлик активлар ишончли бошқарувга топширилганди, у ўғри миннатдорчилик қайтимига паразит жамоа харажатларни қоплагандек ҳаракатда бўлди. Ўғрининг катта ўғрилиги, ҳатто валийнеъматларни чув тушураетганлиги тез орада билинди. Бугун ўша ўғри ўрнини бошқа, фақат маҳаллийси эгаллади. Маҳаллийсининг масштаби кичикроқ, лекин иштаҳаси ўпқон. Тўймайди. Учга бир ишлайди. Кеча футболчиларга қанча ҳақ тўланганини очиқлаб бир ўқ билан иккита қуённи мўлжаллаяпти. Аввало оммага шаффофлик тарафдоридек ўзини тақдим этаяпти (бунга фақат лохлар лаққа тушади). Асосийси эса тепадан унинг ҳақи аслида анча қиммат бўлишига сигнал бераяпти. Бу паразит жамоа учун нархи уч баробар ошган битта йўл ўтказгич ёки кутубхона ехуд ғорат бўлган Миллий боғ билан қутулиб бўлмайди.