Паразитлашган футбол клублари ҳақида яна бир бор Эрталаб йўлда радиодан янграётган хабар: Навбаҳор украиналик легионерни ўз сафига қўшиб олди. Ўзи бу клуб вилоятдаги ташкилотлар-у, тадбиркорлар, бюджетдан маош оладиган ўқитувчи-ю, шифокорларни қон қақшатиб олинган пуллар ҳисобига яшаса, яна украиналик легионерга бало борми? Кеча ёзилганидек, ўзи футболни бюджетдан тўғридан-тўғри молиялаштириш тақиқланган бўлса, қўрқмасдан бюджет пулларини футболга чайишни ҳам бошлаб юборишганини қаранг, деб турсам иккинчи хабар янгради: Андижон камерунлик уч футболчини ўз сафига таклиф этди. Нега булар кейинги пайтда африкалик футболчиларга иштиёқманд бўлиб қолишди? Чунки бу қоравойлар уларнинг ҳисобига ёзилган пулларнинг учдан бирига ҳам рози. Қолган учдан икки қисм маблағлар ҳоким ва унинг клубга қўйилган садоқатли шотирлари томонидан ўзлаштирилади. Совет ўлкаларидан келганлар сал қимматроққа тушади, лекин келишилса, ярмига қўл қўйиб беради. Ўзбек футбол клублари бутун моҳияти ва мазмуни бўйича давлат маблағларини ўзлаштиришдан, тадбиркорлардан, халқдан қоқиштирилган пулларни сўриб оладиган бассейнга айлантириб бўлган. Ҳатто ўзларини "хусусий" деб атаб олганлари ҳам. Бу "хусусий" клублар триллионлаб активларни текинга эгаллаб олган ўғри олигархларнинг кўз-кўз қилинаётган садақаси аслида. Мамлакат ва миллатга тегишли триллионларни бебилиска ўзлаштириб, миллиардни футболга сарфлаб сохта шараф йиғишаяпти бу ўғрилар. Нега мен ўзбек футбол клубларидан бу қадар нафратланаман. Чунки атрофга бир қаранг, кунига, худонинг берган ҳар куни ўнлаб ҳамюртларимизнинг турли касаллик ва дардлардан азоб чекиб хайрия ва ёрдам сўраётганига гувоҳ бўласиз, эшитасиз, кўрасиз. Айниқса болаларнинг. Масалан, бир ойда камида оққондан азоб чекаётган 40-50тача болани даволаш бўйича эълон ёки хайрия сўровига дуч келаман. Бу бемор болаларга кўпи билан ҳолатига қараб 2-2,5 млрд.сўм пул кетади. Битта ҳаромхўр ўзбек футбол клуби бир ойда шунча пул чаяди. Молиявий имконсиз беморлар ўз тақдирига ҳавола қилинган, азобдаги болаларни қўл чўзишга, хайрияга муҳтож ҳолда қолдириб, ўғри ва муттаҳамларнинг бессейнига айланган футбол клубларида миллиардларни чайишга қўйиб берган мамлакат таназзулга маҳкум. Бу мамлакатнинг эртаси йўқ. Ҳудудида ўнлаб, юзлаб муҳтожлар ҳаёти ва соғлиғи учун курашаётгани, хайрия пули йиғилишини кутиб тургани ҳолда, футболга қопда пул келтириб бераётган, бюджет пулини футбол клубига тарқатаётган ҳокимлар ўлгани яхши. Умид қиламанки, улар учун шу дунёнинг ўзида дўзах азоби бор ва бўлади.