Тежалаяптими? Тежалмаяптими? "Тошкент шаҳар истеъмолчиларига қисқа муддатли вақтинчалик чекловлар киритишни талаб этди" Энергетика вазирлиги навбатдаги баёноти билан яна аномал ҳарорат калимасини ишлатган ҳолда, электр таъминотида чекловлар киритилганини феълан тан олмоқда ва тежамкорликка чақирмоқда. Тошкент шаҳрида кеча ва бугун авариявий ва бошқа узилиш кескин ортган. Шунингдек, энергетикларнинг сўзларига ишонилса, электр энергияси истеъмоли бўйича янги рекорд ўрнатилган. Сал аввалроқ вазирлик тежамкорлик ошгани туфайли тизимга юкламалар камайиб, аҳолининг электр энергиясидан узилишлари ва авариялар сони ҳам камайганини эълон қилганди. Роппа-роса 1 ой аввалги баёнотда шонли энергетиклар электр энергияси кам истеъмол қилинганини айнан тарифлар ошгани ва тежамкорлик бошлангани билан тушунтиришганди. Нимагадир методичкалар қовушмаяпти ва ўзаро мос тушмаяпти. Тежалаяптими? Ё тежалмаяптими?