«Қизимга» номли янги медиа лойиҳа ишга туширилди Лойиҳа 11 октябрь Халқаро қизлар куни муносабати билан Ижтимоий ҳимоя миллий агентлиги томонидан БМТнинг Аҳолишунослик жамғармаси (UNFPA) ва жамоатчилик фаоллари ҳамкорлигида ишга туширилди. «Қизимга» медиа лойиҳаси — қизлар учун адолатли ва хавфсиз дунё яратиш йўлида муҳим қадам. Оталарнинг қизлар ҳаётидаги роли қанчалик муҳим экани лойиҳа орқали кўрсатиб берилади. Ушбу лойиҳа бутун дунё бўйлаб қизлар дуч келаётган муаммоларга эътибор қаратишга, уларнинг ҳуқуқ ва имкониятларини тарғиб қилишга ҳамда мавжуд стереотипларга қарши курашишга қаратилган. Агентлик барча оталарни ушбу ҳаракатга қўшилишга ва жамият келажагини шакллантирадиган кучли, ўзига ишонган қизларни вояга етказишга ўз ҳиссасини қўшишга чақирди.