​Эртадан ҳарорат совушни бошлайди: бизни қишда нима кутмоқда? Энергетика вазири келаётган қишдан қандай чиқиш ҳақидаги саволга жавоб бера туриб, қачон ва қайси вақтда, қайси соҳа ва тармоқларга газ ва электр бўйича чекловлар киритилишини кўзда тутадиган базавий ва пессимистик сценарийлар ишлаб чиқилганлигини маълум қилганди. Сценарийлар батафсил ва бутун мундарижаси билан эълон қилиниши ҳам ваъда қилинганди. Бу сценарийлар куз ва қиш мавсумига хавотир билан тайёргарлик кўраётган аҳоли учун ҳам, бизнес учун ҳам жуда муҳим. Энергетикларимиз ишлаб чиққан режа ва кутилмаларни фуқароларимиз ва тадбиркорларимиз билишга ҳақли, улар шу ишораларга қараб ўз тадоригини кўради. Эртадан бутун мамлакат бўйлаб ҳаво совушни бошлайди. Қиш эса тобора яқин.