Яхши янгилик: БАА энди стратегик ҳамкоримиз Ўзбекистон ва Бирлашган Араб Амирликлари президентларининг Абу-Дабидаги музокаралари якунида Стратегик шериклик муносабатларини ўрнатиш тўғрисидаги декларация имзоланган. Агар адашмасам, Амирликлар Ўзбекистоннинг стратегик шеригига айланган 15- давлат. Лекин яқин шарқдаги стратегик шерикка айланган биринчи давлат. Стратегик шериклик даражасига эришган давлатлар умумий манфаатларини бирлаштириб, сиёсий қадам ва саъй-ҳаракатларни биргаликда, келишган ҳолда қабул қилишади. Умумий муаммога қарши икки томон ўзларининг стратегик ресурс ва имкониятларини бирлаштирадилар.