​Ижтимоий карта Visa’да чиқариладиган кўринади Эълон қилган маълумотлардан келиб чиқилса, ижтимоий карта Visa тизимида муомалага чиқарилади ва шу тизимда ишлайди. Ижтимоий нафақа ва турли кўринишда пулли ёрдам олувчилардан ташқари пенсионер ва талабалар, стипендия олувчи бошқа тоифалар, айтайлик, аспирантларга ҳам Ижтимоий карта бепул берилиши кўрсатилган. Бу дегани лойиҳа тўлиқ ишга тушгач, ижтимоий карта эгалари бир неча миллионгача етиши мумкин. Маълумот учун, ҳозирда пенсионер ва талабалар асосан Humo тизими карталаридан фойдаланишади. Шу ўринда, лойиҳанинг бюджети, оператори, у қандай танлангани, оператор учун тўловлар ҳақида, шунингдек Ижтимоий карта орқали пул ўтказилганда, нақд пул ечилганда ва бошқа транзакциялар амалга оширилгандаги комиссиялар, картанинг таннархи тўғрисида ҳам батафсил маълумот берилса бўларди.