​Пул ўтказмаларининг ўсиши секинлашишда давом этмоқда 2024 йилда Ўзбекистонга келиб тушган пул ўтказмалари ўтган йилга нисбатан 30 фоизга ёки 3,4 млрд долларга кўпайиб, 14,8 млрд.долларни ташкил қилган. Лекин ойма-ой, яъни ўтган йилнинг тегишли ойи солиштирувида кўрилса, ўсиш суръати пасайиб бориш тенденциясига эга бўлаётганини кўриш мумкин. Хусусан, июлдаги ой-ой ўсиш 66,7%ни ташкил қилган бўлса, декабрдаги ой-ой ўсиш 11,3%гача пасайган. Ўсишнинг секинлашиши, биринчи навбатда Россиядан ва Қозоғистондан тушумлар билан боғлиқ бўлиши мумкин. Хусусан, пул ўтказмаларидаги Россиянинг улуши октябрдаги 78%дан йил охирида 77%гача тушган. Россияда тўхтамаётган антимигрант сиёсати, агрессор ҳарбий иқтисодиётининг трансформацияси, миллий валюталарнинг қадрсизланиши реалликларида пул ўтказмаларининг ўсиши секинлашиши давом этиши, ҳатто айрим ойларда қисқариши ҳам мумкин. 2025 йилда Ўзбекистонга халқаро пул ўтказмалари ҳажмининг 10-12 фоизга ошиши кутилмалари мавжуд.