Энергетик чўкиш фонида саноат ишлаб чиқариш ўсиши тезлашишдан тўхтамаган Саноат ишлаб чиқариш 2024 йилда ҳам мўъжизавий ўсишда давом этган, гарчи саноат корхоналарининг қисқариши ва энергетик чўкиш тўхтамаган бўлса ҳам. Демак, 2024 йилнинг охирги ойида 3,8 млрд.куб.газ қазиб қолинган. Бу ўтган йилнинг декабрига нисбатан 119,7 млн.кубга кам. Газ қазиб олишнинг йиллик қисқариши 2,1 млрд.кубдан ошган. Газ қазиб олиш 2025 йилда ҳам давом этишига шонли энергетиклар ўтган ойда антиутопик ишоралар берилганди. Декабрда нефть қазиб олиш 55,8 минг тоннагача тушган (-14,6 минг тонна). Йил давомида нефть қазиб олиш қисқариши 66,3 минг тоннага етган. Дизель ёқилғиси ишлаб чиқариш икки каррадан зиёд, 36,5 минг тоннагача тушиб кетган. Декабрдан апрелгача газ йўқлиги учун ошқовоққа айланадиган, 4 млрд.долларлик заводи бор Ўзбекистон йил давомида дизель ишлаб чиқаришни 63,6 минг тоннага қисқарган. Ўзбекистон йил давомида ўзини ўзи сунъий равишда шимолга қарам қилиб 411 минг тоннадан ортиқ дизель ёқилғиси импорт қилган. Бензинга талаб энг кўп ошадиган декабрда ишлаб чиқариш 21,1 минг тоннага қисқарган ва 96,3 минг тоннани ташкил этган. Йиллик қисқариш 50,8 минг тоннадан иборат бўлган. 2024 йилда 775,9 млн.литр бензин импорт бўлган (+36,1%).