​Пул ўтказмалари ҳозирча прогноздан юқорироқ ўсмоқда 2025 йилнинг январ-март ойларида Ўзбекистонга хориждан амалга оширилган пул ўтказмалари ҳажми 32 фоизга ўсиб, 3,3 млрд.долларни ташкил қилган (ўтган йилнинг шу даврида 2,5 млрд.доллар). Юқори ўсиш асосий савдо ҳамкор мамлакатлар валюталарининг мустаҳкамланиши ҳамда меҳнат ҳақи юқорироқ давлатларга мигрантлар оқимининг ошиши билан изоҳланмоқда. 2025 йил учун прогнозларда халқаро пул ўтказмаларидан тушумлар ҳажмининг ўсиши 10-12 фоиз даражасида прогноз қилинган эди, кейин прогноз 15-18 фоизгача оширилган.