Алдагани яна шўрпешона ўзбек яхшими? Cobalt Midnight’ни навбатсиз олиш мумкин, лекин янада қиммат “Расмий нархи 155,2 миллион сўм бўлган Midnight лақабли Cobalt баъзи автосалонларда энди 167 миллион сўмдан сотилмоқда”. Бу нарх автомобилни навбатсиз олиш имкониятини тақдим этади, дейилмоқда. Avtostrada’нинг ёзишича, бундай савдо механизми UzAuto Motors’нинг янги тизими туфайли пайдо бўлган. Унга кўра, автосалонлар энди автомобилларни заводдан сотиб олиб, нархни мустақил белгилаш ҳуқуқига эга бўлишган. Эмишки, энди дилерлар “бозордаги спекулянтларга рақобатчи сифатида майдонга тушиб”, мижозларга икки хил шартни таклиф қилиши мумкин: Арзон, лекин узоқ кутиладиган вариант – давлат нархида, лекин камида 6 ой кутиш шарти билан. Тез ва қиммат вариант – бозор нархида, лекин навбатсиз. Бир қарашда гўёки жозибали кўрсатилаётган бу механизм аслида навбатдаги алдов. Чунки “Арзон, лекин узоқ кутиладиган вариант – давлат нархида, лекин камида 6 ой кутиш шарти билан” варианти амалда йўқ. Ва ўзи йўқ бу вариант арзон ҳам эмас, 7 ой аввал фарасини қорайтириб, 7,3 млн.сўмга қимматлаштирилган Cobalt’нинг ўзгинаси учун очиқ контрактация мавжуд эмас. Хуллас, тўлиқ бўлмаган 7 ойда Cobalt нархи 19,1 млн.сўмга ошириб олинмоқда. Бунақа махинация тиювчиси йўқ очофат монополист томонидан танловсиз таланаётган шўрпешона ўзбекистонликлар устидангина ўтказилиши мумкин.