Иқтисодий ҳамкорлик ва тараққиёт ташкилоти (OECD) коронавирус инфекцияси тарқалиши билан боғлиқ икки сценарийдан иборат прогнозларини эълон қилди. Агар эпидемия битта тўлқин билан чекланса, сценарийга кўра дунё иқтисодиёти 6%га қисқаради. Агар эпидемиянинг иккинчи тўлқини юз берса, жаҳон иқтисодиёти 7,6%га қисқаради. На биринчи ва на иккинчи сценарий бўйича энг тараққий этган ва бозор иқтисодиётига эга давлатларнинг биронтасида бу йил ижобий иқтисодий ўсиш юз бермайди.