“Ўзбекнефтгаз” комплаэнс назорати Антикоррупция агентлигига ўтказилади Бугунги йиғилишда жуда долзарб ва фавқулодда муҳим таклиф янграган. Коррупцияга қарши кураш Агентлигининг иш услуби мутлақо ўзгаради. Бунинг учун тажриба тариқасида 5 та идора: Соғлиқни сақлаш, Қурилиш, Сув хўжалиги вазирликлари, “Ўзбекнефтгаз” ва “Ўзсувтаъминот”нинг комплаенс назорати агентликка ўтказилади. Узвийлик учун Энергетика вазирлиги ва унинг тизимидаги бошқа давлат компанияларидаги комплаэнс назоратини ҳам Агентликка ўтказса бўлади. Чунки энергетика сегментидаги битимлар, қарорлар ва пул оқимлари ўзаро чамбарчас боғлиқ, манфаатлари кесишган ва илдизлари бир.