АҚШ Россия энерготоварларини сотиб олувчиларга қарши 500%лик бож киритмоқчи Трамп маъмуриятининг бож васвасаси урушни тўхтатиш ва сулҳга мажбурлаш ҳаракатлари билан тобора уйқаш бўлиб бормоқда. Ўтган ҳафтада Трамп Россия оташкесимга рози бўлмаса, мамлакатнинг барча нефтига иккиламчи санкциялар жорий қилиш билан дағдаға қилганди. Яъни бу эҳтимолий санкциялар ортидан Россия нефтини сотиб олувчилар АҚШда бизнес юрита олмаслиги мумкин бўлади. Трампнинг ғояси сенаторлар орасида ҳам қўлловга эга бўлган, нафақат қўлловга эга бўлган янада қаттиқроқ чораларни ҳам ўз ичига олувчи қонун лойиҳаси ишлаб чиқилган. Россиядан газ нефть, уран ва бошқа энерготоварлар сотиб олувчи мамлакатларга қарши 500%лик божлар киритишни кўзда тутувчи қонун лойиҳаси 50дан ортиқ сенаторлар томонидан қувватланган. Албатта, бу ҳаракатлар ва чақириқлар Трамча сиёсатнинг давоми, лекин биз кўраяпмиз, эҳтимоли паст деб кўрилган риторика амалиётга қандай кўчаётганини. Мазкур қонун ишга тушса, Россиядан энерготоварлар сотиб олувчи мамлакатлар АҚШга амалда ҳеч нима сота олмай қолади (биринчи навбатда Хитой ва Ҳиндистон учун зарба бўлади).