Микроқарзлар қолдиғи ўсишда тезлашган Март ойида банкларнинг кредит қўйилмалари 11,8 трлн.сўмга, 551,8 трлн.сўмгача ўсган. Бунда чакана кредитлар қолдиғи 3,0 трлн.сўмга, корпоратив кредитлар қолдиғи 8,8 трлн.сўмга кўпайган. Макропруденциал чекловлар киритилиши олдидан микроқарзларнинг ўсиши кескин тезлашган (+3,4 трлн.сўм). Ипотека ажратиш секинлашган (+523 млрд.сўм), негизини автокредитлар ташкил этувчи истеъмол кредитлар қолдиғи эса қисқаришда давом этмоқда (-568 млрд.сўм). Кредит қўйилмаларнинг энг катта ўсиши учта давлат банки - Агробанк (+3,9 трлн.сўм), Ўзсаноатқурилишбанк (+2,3 трлн.сўм) ва Микрокредитбанк (+697 млрд.сўм) ҳисобига тўғри келган. Банклар чорак охири бўлгани учун муаммоли кредитлар ҳажми ва улушини камайтиришга уринишган. 1 апрель ҳолатиг NPL ҳажми 23,5 трлн.сўм, улуши эса 4,3%ни ташкил этмоқда.