Қонунни билиш бошқа... Адвокат Файзулло Арсланов ёзмоқда: "Қонунларни билишнинг ўзи айрим ҳолатларда ҳуқуқингизни тиклаш учун етарли эмас, балки қонунни айнан керакли вазиятда, керакли тарзда қўллай олиш ҳуқуқингизни тиклаши мумкин. Кўр-кўрона қонунни талаб қилавериш ҳам вазиятни оғирлаштириши мумкин. Бир хил гапни ҳар хил тонда, ҳар хил вазиятда ишлатсангиз натижаси бир хил бўлмайдику. Чунки қонунларда вазиятни тўғри баҳолаш, қачон кимдан қай тарзда ҳаққини талаб қилиш кераклиги, қачон сукут сақлаш кераклиги, кимлардан қандай тартибда ҳаққини талаб қилиш нотўғри эканлиги ва ҳоказолар каби иш натижасига тўғридан тўғри таъсир қилувчи айрим ҳолатлар акс этмаган. Эътибор қилинг, муаммонгизни ҳал қилиш учун афсуски, ҳозирда қонунларни ўзини билиш ва уни талаб қилиш етарли эмас. Муаммонгиз ҳал бўлиши учун қонунларда ёзилмаган, қонун билан тақиқланмаган, асосийси иш натижасига тўғридан тўғри таъсир қилувчи бошқа ҳолатларни ҳам ҳисобга олиш зарур бўлмоқда". Дарвоқе, Президент фармони билан 2025 йил июнгача Фуқароларга сифатли юридик ёрдам кўрсатилишида адвокатлар фаолиятига тўсқинлик қилаётган омилларни бартараф этишга қаратилган қонун лойиҳасини ишлаб чиқиш топширилган.