​Таглик чекловлари бекор бўлгач, импорт апрелда 4 карра ошган Давлат раҳбарининг топшириғи билан апрель ойининг иккинчи ярмидан хавф даражаси юқори бўлган 7 та товар гуруҳидаги маҳсулотларни давлат рўйхатидан ўтказиш амалиёти бекор қилинганди. Хусусан, памперс чекловларининг бекор қилиниши апрель ойида импорт ҳажмини мартга нисбатан 4 карра оширган. Рақамлардан ҳам кўриш мумкинки, айрим тор гуруҳлар манфаатлари учун таглик импортини расмийлаштириш камида 3 ой сунъий равишда бўғиб турилган (Ўзбекистон болалари ва оналари памперсга энг катта талаб бўладиган бутун қиш мавсумида етишмовчилик ва қимматчиликка гирифтор қилинди). Нормал давлатларда бундай ҳолатлар учун камида парламент суриштируви бошланган ёки олигархик гуруҳлар билан тил бириктирган шотир амалдорларга қарши маҳкама очилган бўларди. Лекин биз очофат муттаҳамлар ва уларнинг шотирларини қарғай оламиз холос (Муҳримчасига айтганда, *ичолмай қолишсин). Нима бўлгандаям, тақиқлар олиниб, импорт ошгани билан ҳали ўтган йилги кўрсаткичларга етилгани йўқ. Бозор ва нархлар барқарорлашишига вақт керак бўлади (агар очофатлар ва уларнинг малайлари янги чекловлар ўйлаб топишмаса).