1.5 млрдгача кредит, 700 дан ортиқ муассасадан иш таклифлари, янги стартаплар учун инвесторлар — ҳаммаси бугун “Талаба Фест”да таклиф қилинаётган экан. Тошкентдаги Талабалар шаҳарчасида Ёшлар ишлари агентлиги томонидан Олий таълим, фан ва инновациялар вазирлиги ва Савдо-саноат палатаси ҳамкорлигида ташкилланаётган тадбирда ўзбекистонлик ёш ва ўз устида ишлашни истайдиган кадрлар учун кўплаб таклиф билдириляпти. Замонавий соҳалар, машҳур брендлар ва энг олд бизнес қатлами таклифи билан танишиш истагида бўлган ёки ўз бизнесини бошлаш истагида бўлган ёшлар учун бу катта имконият. Фестивал 23 майда якунланади.