Бугунги "кун янгилиги"дан кейин Ўзбекистон финтех бозори ривожланишнинг тўғри йўлида эканлигига кўпчилик яна бир бор амин бўлди. Келажакни рақамли технологиялар билан боғлиқ эканлигини тушуниб етган ва тўғри баҳолаган қатор банклар, компаниялар бу йўналишга алоҳида эътибор қаратяпти. Хусусий рақамли банклар билан бир қаторда айрим давлат банклари рақамли мобил банкинг соҳасида сезиларли ўзгаришларни амалга ошириб келмоқда. Хусусан, Халқ банки "xazna" иловасининг фойдаланувчилар орасида оммалашаётганини алоҳида таъкидлаш керак. Сўнгги ойларда xazna нафақат банк иловалари, балки миллий иловалар орасида ҳам энг кўп юклаб олинаётган илова бўлиб қолмоқда. Бунга сабаб қилиб, илова томонидан тақдим этилаётган хизматлар кўлами ва қулайлигини кўрсатиш мумкин. "xazna" иловасида пул ўтказмалари, онлайн микроқарз, омонат расмийлаштириш, тўловларни амалга ошириш, кредит тарихи маълумотларини олиш, шунингдек, айрим турдаги давлат хизматларидан фойдаланиш имконияти каби хизматлар йўлга қўйилган.