Қиммат 80 шиптир қиммат 92+ шиптирга айланадими? Нега кечаги биржа савдолари бўйича котировкалар эълон қилинмади? Кеча, 28 июль кунги Республика товар хом-ашё биржасидаги савдолар бўйича ўртача котировкалар бугун иш куни тугади ҳамки, эълон қилинмади. Одатда бирон маъмурий топшириқ ё энергоцензура бўлмаса, котировкалар тушга қолмай очиқланарди. Масалан, ўтган йил октябрда 80 шиптир лақабли бензин ва пропан нархлари кескин ошиб кетган кунлари маълумот берилмай қўя қоларди. Охирги эълон қилинган 25 июль кунги маълумотларга кўра, 80 шиптирнинг тоннаси қарийб 10,8 млн.сўмга чиққан. 80 шиптир ва 92 бензин нархлари фарқи ўртача 14,8%гача қисқарган, 80 шиптир максимумлари ва 92 минимумлари фарқи бир хонали даражага тушган. Яъни, яна бир оз ва 80 шиптирни 92 шиптир деб эълон қилиб юборса бўлади. Ўзи энергокинначиларнинг ўзлари ҳам 92+ дейиладиган бензин октан даражаси чуқур тозалаш эмас, присадкалар ҳисобига таъминланишини тан олиб бўлишган.