Захиралардаги қимматли қоғозлар 1 млрд.доллардан ошган Ўзбекистон қимматлашаётган ва даврий равишда сакраётган олтин нархларидан келиб чиқиб, захиралар таркибини қисман бўлса-да, диверсификация қилишга уринмоқда. Июль ойида халқаро захираларимиз ой охиридаги олтин котировкасининг 3 306,2 долларга етгани ҳисобига 193,7 млн.долларга кўпайган ва 48 743,4 млн.долларга етган. Захираларнинг валюта қисми 63,3 млн.долларга, 9 496,2 млн.долларгача қисқарган. Бунда қимматли қоғозлар 303,1 млн.долларга ошиб, 1 011,9 млн.гача кўпайган. Захираларнинг олтин қисми 265 млн.долларга кўпайган ва 38 682,8 млн.долларни ташкил этган. Лекин олтиннинг физик ҳажми 20 минг унцияга камайган (ой давомида ишлаб чиқарилган олтин ҳисобига 300 минг унция атрофида олтин сотилган бўлиши мумкин). Дарвоқе, бугун тонгда олтин 3 405 долларгача сакраган. Швейцария олтин қуймаларига Трамп божлари қўлланилиши нархлар барқарорлигига яна жиддий таъсир ўтказмоқда.