Қимматлашаётган олтин захираларимизни 50 млрд.долларлик маррадан оширган Август ойи давомида халқаро захираларимиз қолдиғи 1 343,8 млн.долларга ошган ва 1 сентябрь ҳолатига 50 087,3 млн.долларни ташкил этган. Бу барча даврлар учун мутлақ янги рекорд кўрсаткич. Захираларнинг валюта қисми 49,3 млн.долларга, 9 447,0 млн.долларгача камайган (хусусан, қимматли қоғозлар қолдиғи 4,2 млн.долларга, 1 016,1 млн.долларгача ошган). Кескин ўсишни кескин қимматлаган олтин таъминлаган (3 306,8 доллардан 3 407,5 долларгача). Захираларимизнинг олтин қисми қийматда 1 383,1 млн.долларга ўсган ва 40 065,9 млн.доллардан иборат бўлган. Олтиннинг физик ҳажми 60 минг унцияга, 11,76 млн. унциягача ўсган (эҳтимолки, 250-300 минг унция атрофида олтин экспорт қилинган). Трамп маъмуриятининг бож сиёсати яратаётган ноаниқликлар, глобал қарама-қаршиликлар юмшамаётган ва янги қутбланишлар пайдо бўлаётган шароитда олтин котировкалари ёздаги барқарорликдан кейин куз бошидан яна кескин қимматлаша бошлаган (бугунги максимумларда 3 622 доллар).