​GTL дизели қаёққа кетаяпти? Ўзбекистон яна дизель импортини оширмоқда Август ойида 53,4 млн.долларлик 69 834,7 тонна дизель ёқилғиси импорт қилинган. Бу ўтган йилги августдан кўра 2,44 карра кўп. Бир тонна дизель 765 доллардан импорт бўлмоқда. Июлда дизель ишлаб чиқариш яна қисқара бошлаганди. Лекин йилига энергоустозлар ваъдаси бўйича 724 минг тонна дизель ёқилғиси ишлаб чиқариши керак бўлган GTL заводи ҳали газдан узилгани йўқ. Унда дизель қаёққа кетаяпти, 4 млрд.долларлик шиширилган завод бўла туриб, нега ўзимиз қиммат дизель импорт қилаяпмиз? Августда шунингдек, қарийб 30 млн.долларлик бензин импорт қилинган (литри ўртача 59,7 цент ёки 7 460 сўмдан). Мазут импорти йиллик ҳисобда 3 каррадан зиёд қисқаргани хурсанд қилади. Ё қишда газ яхши бўлади (яхши гумон) ёки ўтган йилдан қолган улкан мазут захиралари ишлатилади.