​Дизель импортига қарамлик сунъий равишда оширилмоқдами? Ўзбекистон заводлари ойига 120-150 минг тонна дизель ишлаб чиқариш қувватига эга, яъни заводлар ишлаб турса, ички истеъмол учун бемалол етади. Нефть бўлмаса, газдан GTL заводнинг ўзи 60 минг тонна дизель ёқилғиси ишлаб чиқариши мумкин. Лекин Ўзбекистон ойма-ой, йилма-йил дизель импортига игнага ўтказилгандек ўтказилмоқда. Сентябрда 40 млн долларлик 56,4 минг тонна, яъни GTL завод ишлаб чиқарадиган ҳажмда дизель ёқилғиси импорт қилган. Ҳар тоннасини 710 доллардан. Ўзимизнинг дизель, эҳтимолки, арзон нархда дисконт билан экспорт қилинаётган бўлиши мумкин (экспорт зарари Ўзбекистонга, импорт фойдаси олигархлар чўнтагига). Ўтган ойда бензин импорти ҳам 1,5 карра 45,4 млн.долларгача ошган. Импорт қилинган бензиннинг литри 60,4 центни ёки ўртача 7 400 сўмни ташкил этган. Бензин импортининг мамлакатлар қирқимидаги таркиби номаълумлигича қолмоқда.