​Дизель ва бензин импорти рекордлари янгиланмоқда Октябрда 47,3 млн.долларлик 65,6 минг тонна дизель ёқилғиси, 49,5 млн.долларлик 79,5 млн.литр бензин импорт қилинган. Бу тегишли Божхона маълумотлари очиқланган 2023 йил бошидан буён мутлақо янги рекорд. Ўтган йилнинг тегишли даврига нисбатан дизель импорти деярли 3 карра, бензин импорти эса 2 карра кўпайган. Шунингдек, енгил дистиллатлар (+1,8 карра) ва керосин (+3,5 карра) импорти ҳам юқори даражада ўсган. Маълумот учун, Ўзбекистон ўз эҳтиёжлари учун ортиғи билан етарли ва яна экспортга йўналтирадиган ҳажмда дизель ишлаб чиқариш қувватларига эга. Импорт қилинаётган дизель ўртача нархи ҳам, бензин нархи ҳам кўтарилган (нефть нархи тинимсиз тушаётганидан хабарингиз бўлса керак). Октябрда дизелнинг тоннаси 721 доллардан(+11 доллар), бензиннинг литри эса 62,2 центдан (+1,8 цент) импорт бўлган.