​Қарамлик рекорди янгиланган, импорт дизель ва бензин нархида янги максимумлар Ўзбекнефтегаз янги раҳбариятининг дизел ёнилғисининг ички бозорда реализациясини янада кўпайтириш бўйича қатъий топшириқларига қарамай, декабрь ойида дизель импорти рекорди яна янгиланган (янги раҳбарият 4 млрд.долларлик GTL заводнинг дизели қайси схемалар ва кимларнинг фойдасига чегирмалар ҳисобига экспорт қилинаётгани ва қайтиб ўзимизга кимлар импорт қилаётганига эътибор қаратармикан?). Декабрь ойида 63,6 млн.долларлик 81,8 минг тонна дизель импорт қилинган (ноябрга нисбатан қарийб 2 карра кўп). Бу очиқ маълумотлар ва кузатувлар тарихидаги мутлақ янги рекорд. 2025 йил давомида жами 563,6 млн.долларлик 761,3 минг тонна дизель ёқилғиси импорт бўлган. Бензин импорти ноябрга нисбатан бироз камайган. Ой давомида 51,1 млн.долларлик 73,6 миллион литр бензин импорт қилинган. Нефть нархлари қулаётганига қарамай, дизелнинг ҳам, бензиннинг ҳам нархи ошишдан тўхтамаган ва янги рекорд даражага чиққан. Ҳар тонна импорт дизель ўртача 778 доллардан (+25 доллар), импорт бензин литри ўртача 69,4 центдан (+4,1 цент) олиб келинган. Рақобат қўмитаси нефть ва нефть маҳсулотлари импортидаги концентрация даражаси ва рақобатни чекловчи бюрократик, монополистик ва коррупцион тўсиқлар бўйича ўрганиш ўтказганми (ўтказган бўлса, ўғри олигархлар ва очофат монополистлар эълон қилишга йўл қўйишмаганми), биз истеъмолчилар билмаймиз.